!i!.. أنــا أشــــــك ... إذآ أنــا دبـــــــوس ..!

السلام عليكــم ورحمـة الله وبركاتــة ،،



أنا جاي النهاردة ومعايا قصة صغير هقصها عليكم .. دة بعد إذنكوا يعنى .. وبعدها عندى تساؤل خاص بكل واحد فيكم

طب تيجي نبدا .... يلا بينا

في يوم من الايام من يجي خماشر تمناشر سنة كدة كنت بحب اتفرج على البرامج العلمية والفلكية والفضائية وكنت بحب افلام الخيال العلمي ..

وبعدين قعدت أفكر إنى ممكن أكون واحد منهم .. من المخترعين او العلماء او الناس اللى بتفهم دي يعنى ..

ولما دخلت فى مرحلة الثانوي ودرست الفلسفة .. حبيتها اوى ,, وبدأت بقة أشك فى كل حاجة موجودة

وافكر فى وجودية كل حاجة وكنت وصلت لدرجة كبيرة جدا جدا من التفكير العميق في كل نواحى الحياة

سواء الدينيه او العلمية او اى مجال تانى من مجالات الحياة ,, وبعد ما حسيت باليأس قررت أهدى وأسكت بقة ..

وبدات أفكر فى الحلم القديم بتاعى وانى اسعى وراه واحاول احققه ..

بس للأسف كنت كل ما أفكر أخترع حاجة او مجرد إنى أفكر أخترع حاجة

الاقيها اصلا مشتقة من حاجة موجودة .. يعنى دماغى ماتعدتش الحدود

انما بفكر في حدود الموجود وبس .. شوفتوا الهنا اللي انا فيه ؟؟

ومازلت بفكر يمكن أوصل لحاجة ..............


تساؤلاتي بقة ..

هل عمرك فكرت انك تكون مختلف فى الفكر ؟؟

او انك تخترع حاجة مختلفة عن كل اللي تم اختراعه ؟؟

هل عمرك حسيت انك ممكن تغير حاجة فى الحياة ؟؟

ولا دايما كنت حاسس انك هتعيش الحياة زى ما هى وخلاص ؟؟