الحـــــــــــــــــــــــــــاوى

قرب قرب قرب ، قرب ياعم وإتفرج

جمله دايمـاً بنسمع شخص واحد بيقولها الشخص دهـ إسمه

الحــــاوي

بيبقى واقف في أي ميدان بيحضر حاجته عشان يقول الجمله دي والناس نظرها يلتفت ليه

ويبدأ يعمل الـ show

اللي هيبهر الناس ويخطفهم لمجرد لحظات

في ناس هتقول هباله وفي ناس هتتبهر انبهار جامد بحركاته الفظيعه اللي بيعملها

بتبهرهم حاجات مش واقعيه ولا حقيقيه حاجات وهميه ومش ليها أساس يعني انبهارهم قشرهـ

مش إنبهار بحاجه قيمه بس عادة الحاجات المبهرهـ المزيفه دي بريق ابهارها بيطفي بسرعه

عشان بعد فتره من الاستعراضات اللي بتحصل وبتكرر نفسها الناس بتمل وبتسئم منها وبيحسوا

فعلا إنهم في الأول خدوا إنطباع خطـأ .

هي دي فكرتي عن الإستعراض ،،،!

الناس اللي بتحاول تلفت النظر ليها لما يلاقوا انهم مش واضحين بيبقوا عاملين من وجهة نظري زي الحاوي

انسان نقـص في شخصيته بيحاول يبين إن احسن حد موجود وأصدق رأي بيتقال وأصح كلمه بتُنطق

حد فاهم نفسه خطـأ ومش فاهم الحيـاهـ أصلاً ماشيه إزاي ؟!

مش ليه أي تــأثير على المجتمع لأنه رونقه بينطفى بسرعه زي ماقلت في وصف شغل الحاوي

بيبقى هش مجرد قشره سهل تتكسر وسهل تنكشف بسهوله جدا وخصوصا لو إتحط في مكان

مش مكانه ..

بيفهم جدا في فن تخطيط ورسم إستعراض متكامل عشان يكون عنده نسبه من الإقناع للناس اللي انبهرت بيه

ودي الحاجه الوحيده اللي ممكن يكون بيفهمها ،!




- مين فيكم قابل الحاوي اللي بنقابله في حياتنا العامه ؟

- مين حضر إستعراض من إستعراضاته وفهمها وقدر يكسر القشره اللي مستخبي تحتها ؟

- عمركم عملتوا حاوي ولو لدقايق عشان تلفتوا الانتباهـ ؟