ايدينا ف ايديك بكرة لينا وليك

فكرتنا

لا فراغ ولا عطالة ولا بطالة ولا فقر

هتقولى افشر بأة

هقولكم بسيطة جدا هى حبة معادلات هتثبتلكم كلامنا

نا عائدة علينا أحنا الشباب الصح

فكرتنا هتقوم على اية هقولكم مشروعات صغيرة براس مال أصغر وافكار بسيطةةة هنتعاون فيها وندرسها ونجهزها ونعرضها عليكم اوبن بوفية والى نفسة ف حاجة يمد ايدة وياخد

مش فاهم حاجة

هفهمك

حضرتك عندك حرفة يدوية معينة او امكانية صغيرة جدا معينة هتوفق عليها مشروع مهما كانت تفاهتة بالنسبالك ممكن يكون عظيم لغيرك

الصين بتصدرلنا بنس الشعر والاساتك يا كبتن

أظن كدة وصلتك طبيعة مشارعنا افهمك باة احنا هنعمل اية

احنا هنمشى فى اتجاهات متوازية تبدأ من نفس النقطة

مثال

انا عندى حرفة (أ) اتقنتها وعندى شخص (ب) محتاج او دخلة مش مناسب فقير

هات شخص (ب) علمة الحرفة(أ) شغلة معاك أدية خامات خد منة شغل سوقهولة مع شغلك واديلة حقة مش حسنتك

بالتالى هنستنتج ان
معادلة(1) للشخص (ب) شغل= زيادة دخل= هكفى حاجاتى= مش محتاج حسنتك= هنقضى على الفقر أيوة هنقضى علية

معادلة(2) لينا أحنا شغل= مشغول= استثمار وقت وفلوس وطاقة= بقيت عضو فعال= حسيت بقيمتى= فيدت غيرى= زحزحت اقتصاد بلدى ولو تمن زقة للامام= رضيت ربنا عنى ودى اهم نتيجة

وطبعا طالما الطرفين شغل= شغل

أذا كل الحجات الى فوق هتحصل مع بعضها

مشاريعنا وافكارنا كتيييييييييييييييييييييير

وطاقتنا أكتر بكتيررررررررررررررر

لحد دلوقت أقتراحتنا كانت

تصنيع الصابون

الشمع

العطور

خدمات توصيل

المشغولات اليدوية للبنات(كورشية-لاسية-خرز-زخرفة - كنفا الخ الخ الخ)

تقريبا الحجات دى كلها بنستوردها من الصين معادا الصابون الحقيقى بنستوردة من الامارات

حتى الصابون مش عارفيين نصنعة المهم

مطلوب منك اية

-عندك افكار تانية اوكى ابعتلنا فكرتك نذاكرها مع بعض

-عندك معلومات عن الاعمال الى احنا حطينها ومالة زودنا بمعلوماتك

تعاطفك لوحدة مش كفاية لازم فكرة او معلومة او طاقتك تشارك بيها

فكر كويس القطر مش هيفوتك احنا وراك وراك لحد ما تلاقى ضالتك

وما تتنططش علينا وتقول مش نافع محدش بيبدء كبير بيل جيتس ما اتولدش غنى سويررس كانت ثروة أهلة متأممة وكان بيروح يبيع على الارصفة ف أوروبا وهو طالب

أبدء قبل ما تنتهى اعمل اى حاجة ترضى بيها نفسك حتى انك حاولت

فكر معانا

اعمل لمخك اعادة تأهيل واعيدة لطاقتة الانتاجيةالاولية من تانى

وايدينا ف ايديك بكرة لينا وليك