خمسة كدة حضرتك مش واخد بالك من حاجة, لا للبطالة الوهمية ..

خمسة كدة مش واخديين بالكم من حاجة

مش ملاحظين ان كلة رغى رغى دغى دغى
ويك ويك ويك
عماليين نكتب ونرد ونتناقش وننقش ونتفلحص على بعض وبس
وننتفض ونشجب ونعترض ونتحدث ونتجول ونقاتل ف انفسنا وبسس
ومحدش فاهم حاجة ف اى حاجة
احنا داخلين على سنيين سودة
لا فى حد بيفكر ف مشاريع زراعية ولا صناعية ولا زعبلية حتى
الشوارع اتملت محلات اكسسورات وملابس وطرح وكل حاجة بتنيين ونص اتنيين ونص
وجاليريهات ومحلات اكل وبسس
صفة الشعوب الغنية
كلها مشاريع استهلاكية
نحن نتغذى على انفسنا
احنا بندمر نفسنا
ارضنا وصناعتنا
وطاقتنا البشرية والطبيعية
علماء الجيلوجيا بيقولوا ان منطقة وسط الدلتا بتتأكل بفعل الاسمدة الكيماوية
مية البحر وصلت لحد وسط الدلتا
فى احتمال كمان عشرين تلاتين سنة منظقة الدلتا كلها تختفى عن الخارطة
تقريبا مفيش ارض زراعية الا لما اتبورت واتبنى عليها
بناخد معونات قمح من الامارات
بعد كدة هناكل منيين...هنقول لله يا محسنيين
مين فكر ف بحث او مشروع يوفر اكل للناس الغلابة
مفيش مبتكر ولا عالم ولا عامل جيد الا لما طفشناة للخارج او حولناة الى مدمن مخدرات او مدمن فراغ
لحد امتى هنعد على منتديات نتناقش ونشجب ونعترض
نقوم من على المنتدى التليفون نتناقش ونشجب ونعترض
نخرج نعاكس بنات ونشرب شيشة على القهوة واحنا لسة بنتناقش ونشجب ونعترض وننتفض ونحتج
كام واحد فينا بيعمل حاجة مفيدة انشالله ف بيتة حتى عمل حاجة بأيدة فادتة ف بيتة
كام واحد؟؟!!!
احنا بقينا فين
ف قمة الهاوية
مصر من ضمن 25 دولة متوقع حدوث مجاعة فيها كمان عشر سنيين
تعالى قولى هنا هو احنا اصلا مش ف مجاعة
تعرف كام اسرة عايشة على عيش حاف
تعرف كام واحد متجوز وابوة لسة بيصرف علية هو وبيتة لحد دلوقت...دة لو عرف
احنا بننقرض
فين تفكير الشباب وطاقتهم وابداعهم
كام واحد بيدخل كلية زراعة
وعلوم
وتجارة
فى كام صنايعى ف مصر بينقرضوا
واللى بيخرج من الكليات دى يا مولاى كما خلقتنى بيروح يهرج ويطلع رحلات ويشاغب ف خلق الله وبس
أستفدت اية وهتفيد بأية
ما تقوليش حكومة وظروف وهما الى بيحبطونا ويحطمونا ويكسرونا
محدش لة سلطة على تفكيرك وطموحك الا نفسك انت الى تبنية وانت الى تهدة
مش مستنى واحدة تقولك مشربتش من نيلها ولا واحد يقولك يا بلدى
لسة قاعد ماسك مجلة بتتفرج على فلان وترتان وعلان عشان تشتم وتنتقد وبس
بص على نفسك يا اخى
خليك نجم
خليك استار مش حمار
اعمل اى حاجة
افتكس
ما تسفهش تفكيرك مهما صغر وما تستهرش بنفسك
يا جماعة عاوزيين نعمل اى حاجة
احنا كلنا معبيين كلام وبسس
احنا بجد مصر بتتدمر يوم بعد يوم
بجد احنا بننهار وكلة مجمد عقلة ومستوى تفكيرة .....كلة بيفكر ف نفس الحاجات مفيش جديد
الصينيين أحسن مننا ف اية
يا جماعة بجد احنا عاوزيين نفوق
انا مش عاوزة اشوف ردود عندك حق وبرافو عليكى والكلام الحمضان الى زهقنة منة دة
وتعدوا تردوا و أرد عليكم
ونعد نقول ف خطابات ونتفلسف ونتفزلك على بعض
بجد عاوزيين نطرح على بعض افكار
مشاريع
نعمل مجاميع
نشتغل
كل الى عندة فكرة او امكانية يطرحها ونشتغل مع بعض
احنا النهاردة بناكل بكرة مش هنعرف نشرب بؤ مية
يا بنات يا بناااااااااااااااااااااااات
بدل ما بننزل نشترى اكسسورات وميك اب وطرح صينىىىىىىى
وفى ناس مش لاقية الرغيف الحاااااااااااف
نعمل اى مشروع نصة للغلابة ونصة لنا
اى فكرة ولو هيفا بس نبدأ
نبدا مع بعض من النهاردة نعدد مشاريع رأس مالها بسيطة منزلية ومربحة وكل ماكانت منتجة او لها فرصة تطور نشجع بعض فيها ونشتغلها مع بعض

الى معايا يقولى واجازة الصيف جاية
بجد محتاجيين نغير تفكيرنا
اة احنا بنحب المنتدى وبنحب نتكلم مع بعض
بس عشان خاطر يووم الحساب كمان نشتغل مع بعض ونساعد بعض


بجد عاوزيين نشتغل
كفاية كلاااااااااااااااااااااااااااااااااااااام